بدون تعليق
ستار اكاديمي و سوبر ستار و الاخ الاكبر و ذاك البرنامج على الام بي سي حق اكتشاف المواهب و اخيرا و ليس اخرا هذا البرنامج اللي امس حطوه على الال بي سي. طبعا فكرة البرنامج تقوم على ان فنانين و مشاهير من العالم العربي يعيشون لمدة 13 اسبوع في مزرعة و كل اسبوع واحد منهم يطلع (يعني مثل ستار اكاديمي) السالفة فيها نوميني و تصويت من قبل الجمهور. طبعا من الخليج عندنا زهرة الخرجي و مشاري البلام و ممثل سعودي و بعد ممثل اماراتي و بعد واحد مادري من وين المهم انه خليجي و فاطمة عبدالرحيم من البحرين. و صج نسيت هيفاء وهبي بتشارك معاهم بس هي ما راح تطلع من البرنامج حسب اللي فهمته. يوم شفت هالبرنامج افكار مختطلة كانت تدور في راسي و منها: 1. اكيد كالعادة مقصة على خلق الله في هالمسجات و التصويت اللي راح تربح شركات الاتصالات
.2 فكرة البرنامج تقريبا مثل ستار اكاديمي يعني تصويت و نوميني و حالة يعني ما في شي يديد
3. الفنانين مراقبين طول الوقت يعني كل فضايحهم بتكون على الهواء المباشر
4. انا شخصيا ما بكون ميت على هالبرنامج لانه مضيعة للوقت و باشوفه اذا كلش خلصت البرامج و ما عندي شي
و السلام عليكم ورحمة الله وبركاته
posted by متفرغ @ 2:06 PM
6 Comments:
سبحان الله تدري كنت مجهزة بوست عن هذا الموضوع؟
الحين هونت ماني كاتبته
:)
صراحة شي ينرفز ويضيق الخلق
البلام الله يهديه اسلوبه يفشل
والبرنامج قمة بالتفاهه
:(
صح لسانج يا استكانة و البرنامج بالفعل قمة في السخافة لكن يا بخت شركات الاتصالات
طالما انه فيه خليجيين اغبياء
بيكون فيه برامج من هالنوعيه
يعني هالبرامج تركز على الخليجيين من بد كل العرب
فالصغير قبل الكيبر معه جوال
و البزارين ياخذون بالميات علشان يشترون بطاقات عادي
لكن فيه مراهق عربي معه جوال او حتى بكل سهوله يعطونه ميه او حتى اقل علشان يصوت لا و لا تنسون الطفل الاردني اللي سرق راتب ابوه بس علشان يصوت لكن حنا الخليجيين مصدر مهم عندهم بالاخص السعوديين
الله يستر لو هالقطره خلصت
كان بيتفلون بوجيهنا و اسفه على هالكلمه
و لضمان مشاهدت الخليجيين من كل الاعمار و الفئات جابوا منحطه منحله
تستعرض
و اعذروني
@z3naf
صح لسانج الله يخلي شركات الاتصالات هي اللي راح تكسب في النهاية
والله وطلع الحكي صح وهيفا مخطوبه لواحد سعودي
واتوقع ان البرنامج كله لها ودعايه لمجوهراتها اللي من تصميمها شكلها تبي تشارك ببرنامج تلفزيون الواقع قالها خطيبها اسويلك برنامج برعايتي وانتي روحي وانبسطي
والا وش يخليها تترك حفلات الصيف اللي بتدخل عليها ذهب
وبعدين هي مالها اي داعي بالبرنامج لا هي مديره ولاهي وحده منهم جايه بالنص
والفنانين ابد مو مشهورين ولا اعتقد لهم شعبيه
بس البرنامج راح يمص فلوس الخليجيين والدليل ما بحياتي شفت رساله طالعه من احد مو خليجي بالبرنامج
norah:
صح لسانج بالفعل الفنانين الخليجيين اللي في البرنامج مب مشهورين وايد و نفس الشي البقية بس مثل ما قلتي شركات الاتصالات هي اللي راح تستفيد و يا بخت من عنده اسهم فيها
Post a Comment
<< Home