و الله فراغة
سالفة غريبة عجيبة
عاد انا كنت رايح مع واحد من الربع المجمع و كنت على غير العادة لابس بنطلون و فانيله كنوع من التغيير. دشيت محل و اذا اسمع وحده تقول حق واحد بصوت واطي , و كانو يطالعوني شوفه لابس فانيله موديل 2003, انا لحظتها وقف شعر راسي شدراها انها موديل 2003؟ رجعت البيت و طالعت نفسي في المنظرة و اشوف تحت الفانيلة مكتوب 03 . و بعد شوية استفسارات من اهل الخبرة اللي يعرفون في هالامور اكثر مني قالو لي ان الاخ جورجيو بن ارماني يكتب على بعض فنايله السنة اللي نزلها في السوق. ما قصر و الله الحبيب و خلاني طماشة بين خلق الله ( اللي يقول عاد افتكر ) و بعدها صادتني نوبة هلع و قلت في قلبي لازم انزل السوق و اخم الاولي و التالي بس علشان اواكب الموضة.. اتغشمر. المهم من ورا السالفة اتضح لي شي واحد اللي هو اني اتم مع ثوبي و كبوسي ابرك لي من لبس البنطلون و الفانيلة خصوصا اني رشيق زيادة عن اللزوم :p
posted by متفرغ @ 2:13 PM
8 Comments:
البس ما يعجبك و اكل هم اللى يعجبك
اذا بتركض ورا كلام الناس منت خالص...
كل شى عالموضه حتى السيارات و الوان الساعات
و انت الصاج يا بو مريوم او على قولة نجاح المساعيد الماصخة صح الله لسانك :)
البس اللي يريحك وتحبه
والركضة ورا الموضة ما تخلص
خلها للمراهقات والمراهقين
يا زين الثوب على قولتك
وغترة وعقال
رزة ومهابة:)
والله محد مخسبقنا ومضيع عيالنا غير الموضة... بس مثل ما قال بو مريوم البس ما يعجبك.. :)
estekana
بالفعل الثوب رزة و مهابة
wafaa
صج الناس قاعدة تركض ورا الموضة بشكل غير طبيعي
جان قلت حق هذه الدايخة ان 2003 كانت سنة جيدة للنبيذ.. والعياذ بالله
زيدون
هههههه نبيذ عاد مرة وحدة؟ :)
عاد هالايام الكل هاب يطالع الثاني شنو لابس وشنو ماركته لوووووووووووووول
تبي الصج انا اخز واتحجى لوووووووووووووووووول
عادة سيئه واااااااااااااايد فيني لازم اتخلص منها مو قادره شسوي لووووووووووووووول <<<<< فديت الصراحه
بس عاد 2003 عادي مافيها شي مو قديمه وايد @!@ واذا قديمه لا زم يديده يعني !!
Post a Comment
<< Home