Monday, July 11, 2005

شي غريب

بالفعل شي غريب و عجيب و مثير للضحك على قولتهم

اليوم و انا كنت اتصفح مجلة المجالس (لتخافون ما شريتها) شدني مقال حق كاتب سمين او متين بالعامية و اهل الكويت يمكن يعرفون من اقصد. العادة في قسمه يكتب عن مذكراته الا في الكم مرة اللي فاتت لاحظت انه بدا يكتب عن سفراته و روحاته و يياته. لحد هني ما في شيي كل شي طبيعي. بس المو طبيعي طريقة تكلمه عن سفراته يعني شوي فيها من السوقية يعني" و البلد هنا متروس بنات حلووين" شنو هذا يعني الكاتب الصراحة ا مصخها. و هذا ترا و لا شي مرة وحدة الاخ ناشر صوره مع الرقاصة دينا و هم يحتفلون بعيد ميلاده. بس مع هذا يبقى للكاتب المقصود اسلوبه المضحك في الكاتبة و انا من احد اسباب شراء جريدة الوطن الماصخة هو لان الكاتب له عمود يومي في الصفحة الاخيرة و اعتقد كلكم عرفتوه
و السلام عليكم ورحمة الله وبركاته

9 Comments:

Blogger esTeKaNa said...

جرأته تصل لحد الوقاحة احيانا
ديما افكر شنو ردة فعل بنته لما تقرا كلام ابوها؟
اهم شي انك ما شريتها
:)

2:38 AM  
Blogger ii said...

انا ما اتذكر المجله هذي
بس اتذكر انه فيه مجله الظاهر انها كويتيه

فيها بعض الشغلات اللي اشوفها غلط
ومالها داعي
ويكتبون فيها بالعاميه

5:45 AM  
Blogger متفرغ said...

estekana:
اعتقد عرفتي من اقصد صج الله يعين بنته لين تقره كلام ابوها المحترم

norah:
المفروض الواحد يكون رقيب ذاتي على نفسه بس بعض لا رقابة ذاتية و لا هم يحزنون

11:41 AM  
Blogger نون النساء said...

جني عرفته ههههههههه

لا ماعليك منه

ما على الشياب حرج

11:44 AM  
Blogger متفرغ said...

فيلجا: السن له بعد احكام :)

1:03 PM  
Blogger Mother Courage said...

هذا الكاتب ماعنده الاموضوعين يكتب عنهم
الغزو عشان العالم تقرا مقالته
و سفراته و البنات اللي شافهم

انا اقول الله يشفيه ولا يبلانا

10:05 PM  
Blogger الاء سعود المجيبل said...

لوووووووووووووووووول

حد الملاقه هذا اللي يقولون عنه يبي يزيد من عدد القراااء بس لووووووووووووول

رايي انه مجرد كاتب تافه ...:)

طاااااااانكس....

6:08 AM  
Blogger chatterbox said...

This comment has been removed by a blog administrator.

10:55 PM  
Blogger chatterbox said...

طبعا انا معاكم ان هذا الكاتب ( فؤاد الهاشم) تصل صراحته الي حد الوقاحة لكن اختلف معاكم بان اكثر الكويتين يحبونه ليش؟ لانه في اغلب الاحيان يتكلم بلسان حالهم لكنهم يتكلمون ببيوتهم مو جدام الناس بالجرايد.

10:58 PM  

Post a Comment

<< Home