انحلت المشكلة
الحمد لله اخيرا انحلت المشكلة و صرت اقدر اشوف بلوقي العزيز بعد ما نزلت برنامج يسمح يطلع البلوق, الظاهر الاكسبلورر و النت سكيب ما يطلعون البلوق مادري ليش نحاسة.
المهم في البداية صار لي في عالم البلوقات تقريبا اربع شهور و كسور و في البداية حسيت ان الفكرة سخيفة و ما تسوى, و ما تسوى عوار الراس و الدندرة. بس لاحظت نفسي اكثر من روحاتي حق البلوقات و الصراحة شدتني الفكرة من بعد فترة خصوصا اني صرت اتردد على بعض البلوقات بصورة يومية مثل بلوق بو مريوم اللي شرفني طبعا باول ملاحظة على البلوق. ففي النهاية قررت اني اخوض تجربة البلوققنج و عسى الله يوفقني و تنال المواضيع على رضا القراء. الصراحة البلوق بس سوالف عادية عن مواقف تصير في الحياة اليومية مالي خلق اتكلم في السياسة (يمكن امر على بعض الامور السياسية مرور الكرام ) بس الصراحة البلوق بصورة عامة عن سوالف عادية.
posted by متفرغ @ 6:06 PM
2 Comments:
مبروك البلوق وناطرين السوالف الحلوة فيه..اهم شي تكتب اللي يخطر بالك ومالك شغل باحد:)
كل ما كنت صادق وعفوي راح تحبك الناس
مثل بومريوم
:)
مشكورة يا منورة و ما لكم الا طيبت الخاطر انشالله :)
Post a Comment
<< Home