هالمرة بالعربي

خلاص الحين انشالله دوم الكتابة بالعربي و مسامحة على اخر مرة
عندي شوية سوالف و مواضيع و انشالله هالبوست يكون خفيف عليكم

اول شي حبيت ابارك للاخ طائر بلا وطن و الاخت اماني الافتتاح الميمون لبلوقاتهم ادري انها شوي متاخرة بس قلت ابارك لكم و انا اكتب بالعربي بدل الانجلينزي

حبيت اقول للاحمر هارد لك و انشالله الجايات اكثر من الرايحات و يمكن خيرة من رب العالمين ان ما تاهلتو لكاس العالم و الله يعوضكم خير و كفاية ان الفريق وصل للتصفيات النهائية و هاذي بروحه انجاز .. و طبعا ما بخفي بطة الجبد بس ما مثل ما يقول المتني-اذا مب غلطان- تاتي الرياح بما لا تشتهي السفن

عجبني بوست الاخ بو مريوم عن قواعد للتدوين و التعليق .. المفروض الناس اذا بتلعق على موضوع معين ما تاخذ الموضوع بحساسية زايدة و اعصابنا تكون ريلاكس من غير أي تعصب و نرفزة بالنهاية هاذي سوالف عادية

دعاية عجبتني و انا رايح اليوم محطة القطار شفت اعلان يقول ان مطعمي المفضل ميزون بلانك راح يبطل اخيرا في بيكاديللي يعني ما في داعي اطق الدرب لي سنت جون وود او فولهام رود علشان ابلع لا و القهر كله اضيع و اتصل حق البيت-تصوروا- علشان اقول لهم يدلوني, و مثل كل مرة احصل محاضرة طويلة عريضة من الوالدة الله يخليها عن تخفيف البلع و السيطرة على كميات الاكل.. بس بعد شاسوي اموت في الاكل و البلع

الله يكون في عوني هالاسبوع رحت الجامعة استلمت مواضيع بحوث لازم اقدمهم الشهر الياي اربع بحوث و كل بحث 2500 كلمة يعني10000 كلمة بس انشالله باكلمهم و الله يكون في عون الاخت سعلوة مع الامتحانات الله يوفقها

عسى بس ما طولت عليكم؟
و السلام عليكم و رحمة الله وبركاته

Tag

Awal Shay a7eb agool inna mokan Estekana oo Kuwaity Ra7al mbyen, oo Allah ythkrhom bil 7'air :)


I've been tagged by Se3loah, oo msama7a 3la ilta2'7'eer

1o Favorites:
Favorite Color: Blue, and silver
Food: Biryani, pizza, and margoog
Month: June, and February
Sport: none :)
Song: nothing currently
Movie: ma athker
Day of The Week: al-7'amees
Ice Cream Flavour: Vanilla, and chocolate
Time of the Day: ba3d il sa3a 7'ams

9 Currents:
Mood: 3ady
taste: qahwa
cloths: jalabiya
desktop: mal il-compaq, ma 3'ayartah, mafeene shada.. kesal
toenail: ma fehamt :(
time: 1:13 tawqeet London
surroundings: fe il-7ejra
thoughts: yo3an oo ga3ed afaker bil krispy creme

8 Firsts
Best Friend: Hamad mn ilrawada
Kiss: none
screen name: ma athker
pet: canary laken ilga6wa kalatha 7asby allah 3laihah
piercing: none
crush: mafeee
first album: Rashed ilMajed 1992

7Lasts:
Cigarette: ma ad7'en
Drink: moccha
car ride: taxi from Oxford ila ilsheqa, mafenee shada arkab ilqe6ar
kiss: none
movie: miss congeniality 2, adry 7'ayar 3'ala6 :(
phone call: elwalda Allah y7'leeha
last CD: monawa3at

6 Have Ever:
Dated one of your best Guy/Girl Friends: none
Broken the Laws: 3 mo7'alafat :(
Arrested: la oo Allah la ygool
Skinny Dipped: ma fehamt :(
ever been on TV: la wala marra
kissed someone you didn't know: la walla marra

5 Things
your wearing: jalabiya
You've done today: raja3t ildroos, 6la3t m3a refeejy and writing this blog
things you can hear right know: television oo ilsayarat
can't live without: ilahal Allah y7'leehom
you do when you're bored: eat and eat lain anba6 mn il-akel

4 Places you've been todays: Oxford Steert, Edgware Road, Selfrediges, ilm63am

3 People you can tell anything to: 1. ilwalda Allah y7'leeha, Ahmed walad 7'alty, oo Ahmed sadiqy

2Choices: Black or White: White
Cold or Hot: Cold, wayed nass ygooloon iny bared :)

1. thing you want to do before you die: Sadaqa Jareya :)


masme7a marra thanya 3la il ketaba il laptop 7'arab, est7melaw :)

عيدكم مبـــــــــــــــــــــــــــــارك

عيدكم مبارك و عساكم من عواده مثل ما قلت لكم راح انشالله اوافيكم بتفاصيل العيد في لندن و انشالله هالبوست يكون خفيف عليكم

اول شي صحيت الساعة تسع على صوت التلفون الوالدة و الوالد يعيدون علي و الوالدة تحرص علي اني اقوم من الرقاد و ما اكمل نومتي و اهم شي اني اتحكم في مستويات البلع و الاكل بعدها اتصلت لبقية الاهل الخالات و الخوال و العمام و العمات و عيالهم و عايدتهم و بخت شركة الاتصالات و الله يعين الوالد لين توصله الفاتورة

طبعا اليوم هطلت امطار الخير على العاصمة البريطانية لندن و ضواحيها و لكنها لم تكن خير على مظلتي اللي احيلت للتقاعد النهائي. طبعا الوجهة كانت اول شي لفريج نايتس بريج العامر و اليوم ماشاء الله كان الفريج عامر بالعرب و المسلمين بمناسبة عيد الفطر اعاده الله علينا بالخير و اليمن و البركات. توجهت الى متاجر هارودز و هارفي نيكلز العامرة للتطمش و لرؤية اخر صيحات الموضة (عاد اللي يقول افهم في هالاشياء) شريت ما تيسر من الاغراض و بعدين لاقيت الربع و رحنا مثل بقية الخليجيين و العرب الى مطعم البيزاريا اللي كان مزحوم و اضطرينا ان ننطر ربع ساعة علشان نحصل على كرسي حشينا و عقرنا و هذرنا و بعدها توجهنا الى شارع ادجور بالفعل هناك مظاهر العيد كانت بادية اكثر الناس تعايد على بعضها البعض حتى راعي الجرايد عايدني . مشينا و تفرفرنا و خلص العيد..

اما على الصعيد الاخر فقد كشف الجهاز المركزي للحش و العقرة ارتفاعا ملحوظا في نسب العقرة و الحش و حسب راي الخبراء بان هذا الشيء عادي و معناه ان الامور تسير على ما يرام و ان كل راجع لطبيعته

بالنهاية احب اعايد الجميع و اقول لهم عيدكم مبارك و عساكم من عواده

الاستعدادات

اليوم كلمت الوالدة و باركت لي بالعيد الله يعوده علينا و على الملسمين جميع بالخير و اليمن و المسرات
و كلمت عيال خالتي ابارك لهم مقدما بالعيد و باجر بعد بارد اكلمهم (يا بخت بتلكو و الله يكون في عون الوالد لين توصله الفاتورة ) الصراحة ولهت على جو الاستعدادات قبل العيد

كالعادة بنات الخالة و العمات في ركضة دايمة ورا المجمعات بالذات اللي عندها جامعة في اخر لحظة يبون يشترون بدلة و لا وحدة من قبلها شرتها و معاها الجوتي و الشنطة و الاشياء الثانية طبعا بعد ما تبي ولا وحدة يكون عندهنا نفس الموديل و كل هذا يبونه يصير في ساعة او ساعتين ثلاث ان كثر لانهم ما يبون يفوتون المسلسل او الفطور. و الله يكون في عون اللي رايح معاهم بتطلع عينه و هو يلاحقهم من محل لي ثاني. هذا كله في كوم و تفصيل العباية في كوم, و خصوصا اذا الخياط ناحس و قرر ان يبرز العباية يوم قبل العيد تبتدي رحلة العذاب الثانية لتدوير خياط يفصل عباية على الكيف و المزاج مع الاصرار ان ما في لا بنت مفصلة نفس الموديل و يبون العباية تكون بارزة اسبوع قبل العيد معن ما باقي على العيد الا اسبوعين :(

اما بالنسبة للصبيان فالحال نفسه بس اخف بكثير. لازم كل سنة تصير حرب داحس و الغبراء مع الخياط خصوصا اذا الحبيب بعد ناحس و قرر انه يجهز الثوب ليلة العيد معن قايل ان الثوب بيكون بارز اسبوع قبل . اما اذا الواحد كان بايع نفسه او ما عنده شي يسويه فنصيحة يتجه الى الحلاق. فقصة الشعر مع النطرة في الاوقات العادية ممكن تاخذ لها بالكثير نص ساعة لكن ليلة العيد الحلاق يتم مبطل لي الساعة ثلاث الصبح (يعني اللي يطلعه في سنة يطلعه في يوم) و في بعضهم يقول لك لازم تحجز موعد:(

اما على الصعيد المنزلي يومين قبل العيد تعلن الوالدة حالة الاستنفار القصوى بعد ان اعلنت حالة الاستنفار العادية قبل اسبوع. كل الشغالات يتوجهون للمطبخ في بيت يدتي مسلحين بالسجاجين و الملاليس لتجهيز الحلوى و بلعة العيد و يا ويل كل من تسول له نفسه ان يروح ياكل من الحلاوة بالخش فالاحكام العسكرية بانتظاره هالمرة من الشغالة . و الاشغال تبلغ ذروتها في صبحية العيد فاذا عندك غترة ناسي تكويها لتفكر تعطيها الشغالة او الكواي كوها بنفسك ! .. و عيدكم مبارك

تابعونا بعد ساعات لاخر التفاصيل العيد في لندن