الحمد لله على كل حال

السلام عليكم
اول شي احب اعتذر للمرة المليون عن الانقطاع في الكتابة نتيجة لانشغالي بامور الجامعة اللي ما تخلص.... اللي يقول المدرسين ناطرين عودتنا الميمونة و كل واحد منهم ما صدق شاف ويوهنا الحلوة و بدا السباق المحموم من بينهم في اعطاءنا اكبر عدد من الكتب اللي لازم نقراها الله يكون في العون

و ثاني احب ابارك للاخت استكانة عودتها لعالم المدونات

عندي لكم جم سالفة انشالله تكون خفيفة عليكم.....

التاكسي ..... رحلة التكسي من لندن هيثرو الى وسط لندن تكون الصراحة متعبة لان اول شي وقت زحمة و الشارع العام اللي بين المطار و وسط العاصمة فيه مسارين بس مسار للباصات و مسار ثاني للسيارات و ان كثر اقصى سرعة يوصل لها السايق هي ثلاثين كيلو من كثر الزحمة..... يعني بكل بساطة شي ما يسر. و طبعا السالفة تقريبا تاخذ لها من اربعين دقيقة لي ساعة بالتمام و الكمال يعني حسب الزحمة. و في هالساعة تدور احاديث و سوالف بيني و بين سايق التكسي بعضها يكون عادي و بعضها ينكد. يعني مثلا مرة يه خذني سايق و اول ما بدينا نتكلم فيه هو عن الجو و سكتنا. و بعدين بدا السايق يتكلم عن الحياة في لندن و عن الاسعار الغالية و بدا يعطيني شرح مفصل عن سياسة الضرايب ...... و انا اقول في قلبي ليييييييييييييييييش توني راد من السفر و عندي فواتير تنطري يعني لازم تلوع لي جبدي و تزيد الهم همين.... ما سكت الا يوم وصلني الشقة. و سايق ثاني ما لقه يتهاوش مع حبيبته الا في السيارة و انا ساكت قاعد اسمع و هم بعد بدا يتكلم عن السياسة الضريبية في بريطانيا...... اففففففففففف شقالو لكم انا وزير المالية علشان تلوعون جبدي عن ضرابيكم.

شي ثاني يضحك بس بعد يخلي الواحد يسال لييييييييييييش؟ كنت في المطار ادور في السوق الحرة و عجبني العطر و رحت ابي اسال اذا في عطر ايدد منه ..... الموظف يقول لي لو سمحت انطر شوي..... زين..... و ليش يبي ينطرني لان حضرته قاعد يتهاوش مع موظف ثاني جدام الله و خلقه و انا و واحد ثاني قاعدين نشوفهم ناطرين حضراتهم يخلصون هوشتهم. نفس الموقف صار في سلفرجز. كنت رايح الفود كورت في الطابق الاخير ميت يووووووع و الا اسمع صراخ. شصاير اتلفت الا اشوف فريقين كل واحد مجابل الثاني تقولون في حالة حرب يعني اذا السالفة مصخت مستعدين يتفالعون بالصحون و الجدور المنظر كان يضحك و الناس قاعدة تشوف و تتطمش.... الخلاصة ليش تتهاوشون في محل شغلكم و تعطلون الناس معاكم ليشششششششششششش؟

عسى ما طولت عليكم بالتحلطم؟
و السلام عليكم