هالمرة بالعربي
خلاص الحين انشالله دوم الكتابة بالعربي و مسامحة على اخر مرة
عندي شوية سوالف و مواضيع و انشالله هالبوست يكون خفيف عليكم
اول شي حبيت ابارك للاخ طائر بلا وطن و الاخت اماني الافتتاح الميمون لبلوقاتهم ادري انها شوي متاخرة بس قلت ابارك لكم و انا اكتب بالعربي بدل الانجلينزي
حبيت اقول للاحمر هارد لك و انشالله الجايات اكثر من الرايحات و يمكن خيرة من رب العالمين ان ما تاهلتو لكاس العالم و الله يعوضكم خير و كفاية ان الفريق وصل للتصفيات النهائية و هاذي بروحه انجاز .. و طبعا ما بخفي بطة الجبد بس ما مثل ما يقول المتني-اذا مب غلطان- تاتي الرياح بما لا تشتهي السفن
عجبني بوست الاخ بو مريوم عن قواعد للتدوين و التعليق .. المفروض الناس اذا بتلعق على موضوع معين ما تاخذ الموضوع بحساسية زايدة و اعصابنا تكون ريلاكس من غير أي تعصب و نرفزة بالنهاية هاذي سوالف عادية
دعاية عجبتني و انا رايح اليوم محطة القطار شفت اعلان يقول ان مطعمي المفضل ميزون بلانك راح يبطل اخيرا في بيكاديللي يعني ما في داعي اطق الدرب لي سنت جون وود او فولهام رود علشان ابلع لا و القهر كله اضيع و اتصل حق البيت-تصوروا- علشان اقول لهم يدلوني, و مثل كل مرة احصل محاضرة طويلة عريضة من الوالدة الله يخليها عن تخفيف البلع و السيطرة على كميات الاكل.. بس بعد شاسوي اموت في الاكل و البلع
الله يكون في عوني هالاسبوع رحت الجامعة استلمت مواضيع بحوث لازم اقدمهم الشهر الياي اربع بحوث و كل بحث 2500 كلمة يعني10000 كلمة بس انشالله باكلمهم و الله يكون في عون الاخت سعلوة مع الامتحانات الله يوفقها
عسى بس ما طولت عليكم؟
و السلام عليكم و رحمة الله وبركاته
posted by متفرغ @ 3:38 AM
30 Comments:
كان ودي الأحمر يتأهل
وايد انقهرت
بس ان شاء الله يعوضونها
يكفي انهم منتخب تطوروا بشكل قصير
الله يوفقهم
Rain drop:
انشالله الجايات اكثر من الرايحات و يكفي المنتخب انه تاهل للنهائيات
الله يسلمك ويخليك يارب!!
ويعينا كلنا على هالهم
بس صدق والله عشر الاف كلمه مره كثير يبيلك من الحين تبدى فيهم
شكلك مدمن كوره الاحظك تتكلم عنها واجد
:P
se3loah:
الكرة في صوب و انا في صوب ما اتابع الا اذا المنتخب بيلعب او اذا جت على بالي.. بديت في اول بحث و الله يستر :)
متفرغ
انا قريت تعليقك عند زيدون ... ترا لعلمك البحرين كانت من اول دول الخليج السباقه في الانفتاح على العالم و الكويت اتبعتها مو العكس و الحين يت دبي و عفستنا كلنا
;-p
عالعموم عسى الله يوفقك في بحثك و الحمدالله على سلامة لاب توبك.
ودمتم
mother courage:
انا قصدي ان الكويت كانت سباقة بانها تخلي الديموقراطية عملية رسمية بين الحاكم و المحكوم.. و الله يسلمج :)
شوق:
الله يسلمج و اخيرا تصلح و خلاص انشالله كله بالعربي :)
الله يعينك على بحوثك وبالتوفيق
kazmawy:
مشكور و الله يسلمك :)
والله زعلنا على الاحمر بس خيره
ومبروك للاخوه الجدد
بس الطائر قديم ؟؟؟
(:
والله يوفكم فى االبحوث
اما عن البلع لاتنسى اعزمنى
(:
موفق انشالله
(:
qalm jaf
حياك الله و مشكور و ما تقصر :)
بســك اكل يالدب هههههههههه
الله يعينك عل الامتحانات شد حيلك..:)
jawaher:
مريت بنفس التجربة في بداية تعلمي الكتابة بالعربية الله يوفقج :)
q8tya:
ما قدر استغني عن البلع بالذات في هالايام :)
10000 كلمة!!!!!
يصير كلمتين متكررين ؟؟؟
( مليقة ادري)
الله يوفقك والكتابة بالعربي احلى :)
chatterbox:
هم يقولون 10000 كلمة بس انا اكتب اقل بوايد و مشكورة و ما تقصرين :)
starry night:
صح لسانج ما في احسن من الكتابة بالعربي... و اتفق معاج احسن شي لمكافحة الاكتئاب هو زيادة الاكل :)
متفرغ
من طول الغيبات جاب الغنايم
:)
كظماوي:
مشكور و ما تقصر و انشالله الغنايم جاية بعد ما كمل البحوث اللي على جبدي :)
جواهر:
هههههههه ايه و الله الكسل ذابحني و هالبحوث ماخذين كل وقتي بس انشالله اول ما افضي باكتب بوست يديد... يعني الاسبوع الياي انشالله :)
جواهر
عندنا و عندكم خير انتي امتحانات و انا بحوث ... الله يوفقج و يسهل الامتحانات :)
الله يعينك عالبحوث
وناطرينك :)
chatterbox:
مشكورة و ما تقصرين قربت اخلصهم :)
لي الحين ماخلصت بحوثك؟ والا كمبيوتري فيه شي ؟؟
chatterbox:
الحمد لله قربت اكمل الرابع بس شوية تعديلات :)
shed 7ailek... nabee update ;-p
mother courage:
مشكورة قربت اكمل و انشالله راح اكتب بوست يديد :)
قوة متفرغ شلونك
هذا انت متفرغ وما تكتب
لو مشغول شتسوى
يلاا نناااطططررييننكك
:)
للاخوة المدونين و المدونات مشكورين و ما تقصرون على سؤالكم الحمد لله خلصت اللي علي و انا الحين في البحرين و البوست اليديد جريب انشالله راح ينزل
nsayam al-kady:
مشكورة و ما تقصرين :)
kazmawy:
كنت متفرغ لكن شغل الجامعة ذبحني :( بس الحين الحمد لله فرجت :)
يعني خلصت من بحوثك
مبروك مبروك .. والله اني شلت همك
:)
سعلوة:
الحمد لله خلصت اللي علي و مشكورة :)
جواهر:
انشالله تشوفين البوست جريب :)
نعم هيك أفضل بالعربي
شركة سيتي جروب العربية السعودية نصب
Post a Comment
<< Home