Saturday, November 25, 2006

رســـــــــــــــــــــــالة

السلام عليكم ورحمة الله وبركاته

المهم شلونكم و شخباركم .... شكله البوست الاخير لوع جبدكم .... المهم البوست اليوم راح يكون شوي سياسي مثل ما انتو عارفين ان باجر الانتخابات و عندي جم شي ودي اقوله معني احب احتفظ بارائي السياسية لنفسي بس فخاطري كلام او رسالة اوجهها للناخبين اللي بيدلون باصواتهم باجر
- - - - - - - - - - - - - - -

اهل البحرين الكرام
البحرين امانة برقبتكم و لا تفرطون فيها و باجر يوم مهم بالنسبة للجيمع في منكم من انتظر هاليوم من فترة طويلة علشان يدلي بصوته و يقول كلمته .... لما باجر انشالله تدلون بصوتكم فكروا فالبحرين و مستقبلها و مستقبل اجيالها القادمة لان صوتكم امانة فلازم يكون اختياركم صحيح لان النواب راح يتخذون قرارات مصيرية و مهمة تمس الاجيال الحالية و القادمة فلازم اللي يدش المجلس يكون على قد المسؤولية و قادر على القيام بواجباته على اكمل وجه .... و هاذي يعتمد على الناخبين لانهم المسؤولين عن انتخاب نوابهم

- - - - - - - - - - - - - -

اهل البحرين الكرام

انتخبوا من بيخدم البحرين بعيونه و من مستعد يبدي مصلحة الديرة على مصالحه الشخصية .... انتخبوا من اللي بيراكض و بيدافع عن مصالحكم مب اللي بيراكض ورا المعاش التقاعدي و الامتيازات . لا تغركم هالعيوش و المجابيس و المقرات و الخيم و الانتخابية و الحملات الانتخابية و الكلام اللي يصفه البعض .... المحك و الامتحان الحقيقي تحت سقف المجلس النيابي مب في المقرات و الخيام .... من يدري اليوم المرشح مسوي فيها اصلاحي و لما يدش المجلس يلحس كلامه و ينسى وعوده ايام الانتخابات

- - - - - - - - - - - - - -

اهل البحرين الغيارى
لا تشتتكم الطائفية و اتحدوا و كونوا مثل ما كانوا اجدادنا و خيرة رجال البحرين يوم اتحدوا و اسسوا هيئة الاتحاد الوطني في خمسينات القرن الماضي و نسوا وراهم التقسيمات الطائفية و وقفوا كلهم و تعاضدوا علشان يطالبون باصلاحات سياسية اكثر و مشاركة شعبية اوسع .... ما انجرفوا ورا شعارات الطائفية لان البحرين وطن يحتضن الجميع و ما يفرق بين احد

- - - - - - - - - - - - - -

اهل البحرين الطيبين
المرأة البحرينية قدها و قدود و رفعت اسم البحرين فوق فهي الوزيرة و السفيرة والقاضية و يكفينا فخر بأن اصبحنا اول دولة في الخليج توصل فيه المرأة الى المجلس فاتمنى وصول اكثر من مرأة الى المجلس النيابي لانها على قد المسؤولية و واعية و قادرة على خدمة بلادها مثل الرجل

- - - - - - - - - - -- --

و انشالله باجر يكون يوم خير على البحرين و على اهلها ..... و الله يحفظ ديرتي و اهلها من كل شر

و السلام عليكم و رحمة الله وبركاته

5 Comments:

Blogger Mohammad Al-Yousifi said...

مبروك على الانتخابات

شلون أحد يفوز بالتزكية؟؟ ترى ليلحين متعقد انا

5:20 PM  
Blogger Mother Courage said...

Mabrook, Basher 3asakum ratheen 3an il nitayij?

8:47 PM  
Blogger Cr8ivia said...

مبروك
و ان شاء الله اللي فيهم الخير فازوا
يازت لكم النتايج و الا لا؟

r u Mitfarigh? old ircier?:P

3:36 AM  
Blogger متفرغ said...

حياكم الله و مشكورين على التعليق

كله مطقوق :
الله يبارك في حياتك .... المرشح الثاني اللي كان نازل انسحب و ما بقت الا لطيفة القعود و بجذي فازت بالتزكية عن دائرة حوار

برافا فلنشيا :
الله يبارك في حياتج ... و الله كانت متوقعة معن بصراحة كنت ابي مرشحة ثانية تفوز مثل الدكتورة منيرة فخرو تفوز لانها بصراحة تستاهل

cr8ivia:
الله يبارك في حياتج .... و الله شاقول اقيم النواب بعد الاربع السنين لان اغلبهم يدد .... ما فهمت

4:18 AM  
Blogger Unknown said...

شركة الصفرات للتنظيف بالرياض

شركة الصفرات لتنظيف الفلل بالرياض

شركة الصفرات لتنظيف الشقق بالرياض

شركة الصفرات لتنظيف المنازل بالرياض

شركة الصفرات لتنظيف الخزانات بالرياض

شركة الصفرات لتنظيف المجالس بالرياض

شركة الصفرات لتنظيف الموكيت بالرياض

شركة الصفرات لمكافحة الحشرات بالرياض

شركة الصفرات لرش المبيدات بالرياض

1:30 AM  

Post a Comment

<< Home